Hierdie bloguitdaging word gesamentlik aangebied deur https://hesterleynel.co.za en https://lekkervurigeaffere.blog/.
Soos ek die ding beluister blyk dit dat Afrikaans besig is om te verander. Nuwe woorde sien die lig en laat my in die duister. My liggaam wat my denkvermoë insluit staan al graf se kant toe en nogsteeds het ek nie “hoge” Afrikaans bemeester nie. Daar is nie ‘n manier waarop ek kan redeneer of debatteer nie… my woordeskat pootjie my. Watwou nog nuwe woorde bybring!!! Party mense kan woorde so mooi saam snoer dat dit soos ‘n pêrelhalssnoer om hulle hang. My woordeskat laat net ‘n armband toe. Nou kyk as die nuutskepping van woorde, woorde soos fôbaaifô (dankie Hester) voortbring sal ek dit geniet. Dit laat my lag, en lag is medisyne vir my siel in hierdie veranderde wêreld van ons.
Mooi loop
Kameel se gebabbel 
Eendag, Kameel, gaan ek in my fôbaaifô daar in jou oprit stilhou en dan gaan ons ‘n daglank lag in ons hartstaal. Ek sal die enjinkap oplig sodat jy die chromewerk kan bewonder terwyl ek met jou kosbare armband speel.
LikeLiked by 1 person
Ag dankie Hester. My armband het my darem al baie vreugde verskaf… maar ek bewonder ander mense se pêrelhalssnoere. Ek kyk uit vir daardie fôbaaifô.
LikeLiked by 1 person
Prettig, pittige pêrels gesnoer Kameel. Ek sal die piekniekmandjie bring vir die oprit lagsessie.
LikeLiked by 1 person
Dit klink bakgat…. die piekniekmantjie en lagsessie. Dankie Erna.
LikeLike
Die skepper van Camilla, die samesweerder om Silver in Cullinan te kry, die verteller oor die huis tussen die mielielande en die “voëlnes” – jy en jou woordeskat skilder onvergeetlike prentjies!
LikeLiked by 1 person
Sjoe Frannie dankie, dit beteken vir my baie.
LikeLiked by 1 person
Ons waardeer jou armband-woordeskat nog altyd, Kameel! Daarmee het jy jouself in almal se harte ingeskryf.
LikeLiked by 2 people
Ai jai Unatjie…. jy laat my hart warm klop.
LikeLike
Kameel jou woorde is vir my soos ‘n lang snoer perels. Wens ek kon dit beter beskryf, maar my woorde is net ‘n ring grootte! Bly jy is weer hier op blogland! ❤
LikeLiked by 1 person
Dankie Aletta. Vertrou dit gaan goed met jou. Ja blogland was in hierdie laaste vyf maande vêr van my gedagtes af. Sal sien hoe gaan dit verder verloop.
LikeLike
Dit gaan goed met my dankie. Het so baie aan jou gedink.
LikeLiked by 1 person
Ek waardeer jou omgee ❤
LikeLike
So het elkeen sy/ haar perels wat gebruik kan word om denke uit te beeld. Jy onderskat jou perels. Hul is werklik kosbaar. Baie goed om te weet jy gaan bietjie blog en dit in ons geliefde Afrikaans.
LikeLiked by 1 person
Dankie Scrapy. Weet nie hoe vêr ek gaan kom nie want my kop sukkel nogsteeds met konsentrasie. Mooi dag in die poskaart.
LikeLiked by 1 person
“Pêrels en lint Kamma Kamma sy en satyn” Kobus en Hannelie
“My nooi is in ‘n nartjie my ouma in kaneel” Jan de wet
Met Kobus se kamma en Jan se kaneel pleeg ek nou ‘n nuutskepping: Kameel.
Sy is al die pêrels en geure en woorde waardig.
LikeLiked by 1 person
Jô Abrie… hier val jy sommer met sulke woorde uit die lug. Lekker om weer van jou te hoor. Vertrou dit gaan goed daar in jou wêreld.
LikeLike