Verlede Donderdag by die naskool, krap dié drie dogtertjies net te lekker op die skool se tennisbaan. Jay kom op hulle af en sê dat hulle die volgende dag alles gaan afskrop. Kom Vrydag roep sy hulle om te gaan regmaak wat hulle verbrou het, waarop die een dogtertjie sê “Juffrou, die merke is amper almal af. Ek het gisteraand gebid en gevra die merke moet afkom, toe sê Jesus vir my ‘Ok, ek sal juffrou Jay se hartjie sagmaak.'” “En het Jesus toe juffrou Jay se hartjie sag gemaak?” wou ons weet. “So lief soos ek vir daardie lyfies is, moes ek deurdruk en hulle laat skrop,” antwoord Jay. Eina vir daardie een!!
Dit het vir my al te bekend gevoel. Hoeveel keer het ek nie op die lewe se tennisbaan drooggemaak, en wanneer die nagevolge van my onbesonne dade my inhaal, gebid dat Jesus dit oornag sal regmaak nie. Ek weet Hy is lief vir my, maar ek besef ook as Hy my elke keer vryskot laat wegkom ek nooit gaan leer om verantwoordelikheid vir my dade te aanvaar nie. Ek sal ‘n “spoiled brat” wees wat glo as ek my vingers klap moet Hy spring. Nou toe, laat ek my emmer met water vat en tennisbaan toe stap 😊
Mooi week vir almal!!
Dis ñ les hierdie wat ek ook moes leer, seker maar ons almal. Ons optredes het gevolge.xxx
LikeLiked by 1 person
Omtrent. Tot die woorde uit ons mond spreek lewe of dood. Ai, net jammer mens is nie wys gebore nie.
LikeLiked by 1 person
En soveel keer skrop Hy sommer voortydig af. ❤️
LikeLiked by 1 person
Dis so maklik om te bekrap, maar daardie skoonmaak is soooo swaar.
LikeLiked by 1 person
Jy praat grppt waarheid daar Scrapy. Partykeer vat die gekrappery net ‘n onbesonne daad….. en vir jare daarna skrop mens nogsteeds aan die merke wat dit gelaat het.
LikeLiked by 1 person
Goed dat Jay hulle laat skrop het. Geestelike manipulasie gebeur ongelukkig maklik en dit is so contra die boodskap van die Bybel wat kan kom.
Ai kyk hoe lyk daardie tennisbaan waar ek nou net was
LikeLiked by 1 person
Baie waar wat jy sê van geestelike manipulasie. Dis amper asof jou hande gebind word sodra die Here se Naam bygevoeg word.
Gaan kry water en skropborsel as jy nonsens op die tennisbaan aangevang het!!!!
LikeLike
Dis maar hoe hulle leer dat mens vir jou dade verantwoordelik moet wees!
LikeLiked by 1 person
Ek het dit met my eie kinders gedoen. As ma was dit vir my makliker om te dissiplineer…. as ouma is my hart te sag.
LikeLiked by 1 person
Ek stem saam!
LikeLiked by 1 person
Ja en soms skrop jy sommer die gemors wat ander aangerig het ook saam met jou sondes af. Ek moet sê, in sulke gevalle voel ek so deugsaam 😀😀😀
LikeLiked by 1 person
Jou deugsame vrou!!!! Nou het jy my lekker laat lag. 😁😁😁😂
LikeLiked by 1 person
😜
LikeLike