Kameel – Skoene

Scrapy se Maandag=Wasdag Uitdaging

Skoene nie my gunsteling onderwerp nie. Ek sou graag stilettos wou dra, maar skoenloos troon ek klaar – soos die toring van Babel –  bokant almal uit; dus is dit net ‘n nodelose versugting na die onmoontlike. Ook het ek nie die kuite vir stilettos nie, en nog minder die tone om in daardie fyn skoene te pas. My krom tone is ook die rede hoekom ek nie sandale dra nie. Nie dat ek nie probeer het nie; maar nadat ‘n vrouebaas eendag gelag het dat die trane rol vir my krom tone wat lyk asof hulle my sandale vasknyp (volgens haar) het ek sandale vir uitgaan totsiens toegewuif. Die effense hakskoene wat ek nog vir uitgaan gedra het moes ek jare gelede afsê nadat die spesialis my duidelik laat verstaan het dat my voete plat op die aarde moet wees as ek van die pyn in my heup ontslae wil raak. Eers het ek gedink hy grap, maar met dié dat ek skaars aftraande begin stap dan begin my heup so pyn dat ek wil huil, besef ek hoe ‘n slim man hy is. So waar los dit my? Met toe plat skoene of ek nou die koningin gaan ontmoet of kerk toe gaan. Sela (dankie Erna)
 

Mooi loop!!!

30 gedagtes oor “Kameel – Skoene

  1. Lana, ek dra ook net plat skoene. Daardie vrou wat vir jou tone gelag het, kort ‘n snotklap. Mens maak nie aanmerkings op iemand se liggaam nie!
    Ek dra graag oop sandale, maar omdat ek sulke sweetvoete het, gly ek meestal rond in my skoene en sit agterna met blase. Ek kannie wen nie. Oulik geskryf!

    Liked by 5 people

    1. Jitte lyk my ek was heeltyd on die mode met my plat skoene en ek het dit nie eers geweet nie. Wat die klap.aanbetref… ek het so goed met haar oor die weg gekom, en sy het my so baie laat lag dat ek haar maar daardie een vergewe het.

      Like

    1. Jy is reg Frannie…. Camilla het opgemaak vir my jare se stilettoloosheid. Ja wat, Dawn (die baas) was ‘n “no nonsense” mens maar ons het goed klaargekom…. en ek het haar geniet. Ek was vyf maande swanger met Marlé toe ek eendag in haar kantoor soos ‘n os neerslaan (dankie Hester.) Sy spring amper oor haar lessenaar van skok… help my op en sê; “as daardie baba môre nog in jou maag is klou sy soos k@k aan ‘n wolkombers. Sy kon dinge so reguit sê wat my laat lag het.

      Liked by 1 person

  2. Ai Kameel dit was nou n lekker kuier hier in jou blog-blyplekkie. Wat skoene en voete nie alles aan ons kan doen nie. Ek het ook uitgevind dat skoene n groot rol speel om jou rugpyn op te los. Ek dra ook net plat skoene. Ook net spesiaal opgeboude skoene want my regtervoet en natuurlik dan ook my regterkantste lae rugpyn se pyn versag en selfs wegsmelt. Regtervoet se brug het gesak en moet gesteun word, wat weer my rug help om reguit te beweeg. Mense lag ook vir my tweede toon wat langer as my groottoon is.Baie dankie vir jou lekker saam gesels.

    Liked by 1 person

    1. Dat ons nou so inkonk met die ouderdom saam. My man lag wanneer ek skoene aantrek en dan een halstarrige krom toon moet afdruk sodat hy in skoen kan ingaan. LEendag gaan ons volmaakte liggame hê… tot dan doen ons maar wat ons moet om hierdie een so gelukkig moontlik te hou.

      Like

  3. Terugklingel: Maandag=Wasdag 27: Kamer – Kreukels en plooie

Gesels met my ...

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s