Kameel – Die Towerinne en Caronamouna Hoofstuk 7

Hier is die sewende hoofstuk van ‘n nuwe bloguitdaging : Die storie oor die Towerinne en Coronanmouna. Soos gewoonlik by ‘n vervolgverhaal, moet almal wat wil deelneem ‘n inskrywingsvorm voltooi – kry die vorm hier: https://forms.gle/spN3EwV1kt5wGW9F9

Bloggers sal skryf in die volgorde waarin hulle inskryf – kyk na HIERDIE vorm (spreadsheet) wat outomaties op datum gehou word om te sien wanneer dit jou beurt is om te

NB! Hierdie uitnodiging is oop vir alle bloggers op alle platforms – ons soek altyd “nuwe bloed” om deel te neem aan ons uitdagings. As jy in Afrikaans skryf, sluit gerus aan by die Towerinne en neem deel aan hulle avonture. As jy nog nooit deelgeneem het aan een van ons uitdagings nie, besoek die volgende skakels Lê-Jou-Eier: Reëls en Lê-Jou-Eier: Hoe neem ek deel? Laasgenoemde blogpos bevat ook al die onderwerpe en skakels na vorige uitdagings.

Onthou ook die addisionele reëls vir vervolgverhale – (1) wag jou skryfbeurt af, (2) wanneer ‘n nuwe blog geplaas word en jy is volgende aan die beurt – gee net eers ‘n dag of wat kans sodat almal die blog kan lees en kommentaar lewer voordat jy jou bydrae plaas en (3) plaas jou bydrae binne die volgende drie tot vyf dae sodat ons nie die vloei van die verhaal belemmer nie.

https://fresh.inlinkz.com/p/c0342166738644c9875c54b4f5669017

HOOFSTUK 7

 

images

TWAK!!! sê ek hard en duidelik. “Exskus me?”sê Lorenzo en krap met sy vingers deur sy swart hare. Die uitdrukking op sy gesig is so komieklik dat ek sekerlik sou lag was ek nie so kwaad nie. Ek waai met my hand deur die lug “forget it… you won’t understand.” Kan jy nou meer, wonder ek ontstoke. Hier kom ek Rebus toe vir bietjie rus en vrede, en nou moet ek hoor van hekse en spinnekoppe wat verantwoordelik is vir die Corona virus, EN Broodina, EN Una wat in ‘n kokon toegespin is, EN Toorts wat dronk op ‘n spinnekopjag is, EN die ergste is dat hulle die spinnekoppe wil vang, steriliseer en WEER vrylaat!!! “Oor my dooie liggaam!!” sê ek met soveel passie dat Lorenzo weer kopkrap en “Exkus me?” “They must die, do you hear me Lorenzo THEY MUST DIE!! and don’t you excuse me again!!” Met ‘n gesig spierwit van skok kyk Lorenzo my aan en vra dan huiwerig. “You want to kill all the Toferine?” “Red my siel met so ‘n nasie!!” maar dan versag my hart teenoor die Italianer wat so goed is vir ons. Vir ‘n oomblik wens ek hy was my seun dan kon ek hom teen my vasdruk… maar ‘n sagte drukkie op sy skouer moet die trooswerk doen. “No Lorenzo the spiders, those spiders must be killed.” Hy knik sy kop instemmend. “I tell them so… I tell them too dangeros, but” hy trek sy skouers op as teken van sy hulpeloosheid teenoor ‘n klomp halstarrige Towerinne. Hy is nie saam nie. Hester het gesê as die Towerinne in die moeilikheid beland moet hy hulp gaan soek.

‘n Rukkie later stap ek en Lorenzo na die huisie in die bos toe. Was omstandighede anders sou ek sekerlik die plekkie bewonder het, maar nou het ek net een doel voor oë. Ek klop… nee ek hamer teen die voordeur. Dit gaan amper onmiddelik oop, en die gesig wat my aanstaar laat die woorde in my mond smelt. “Corona!!” sê ek na ‘n rukkie. Sy knik haar kop dan sê-vra sy “Kameel?” Ons was saam op skool; sy heelwat jonger as ek. Die lelike eenkant dogtertjie met haar eienaardige spinnekop speelmaats. Sy het in haar eie droomwêreld geleef waar mensekinders nie ‘n plek gehad het nie. ‘n Beweging laat my oor haar skouer kyk… en sowaar daar sit Broodina met ‘n koppie tee in haar hand… die pinkie ewe “grand” in die lug. Dis egter die triomfanklike uitdrukking op haar gesig wat my bloed yskoud laat word. Alles aan haar spel O N H E I L!! “Corona kan ek privaat met jou gesels?” vra ek. Sy knik haar kop en wys na ‘n bankie onder ‘n boom. Broodina gee ‘n snorkgeluid wat glad nie by die pinkie pas nie. ‘n Laaste vuilkyk van haar kant af en ek trek die deur ferm tussen ons toe.

Skaars op die bankie gaan sit of die geluid van stemme weerklink op. Hulle kom aangestap…. of sal ek eerder sê Hester stap voor, haar houding presies soos in die droom waar sy in haar leeutemmerspakkie grot toe gestap het. Virgo kom agterna en probeer ‘n besope Toortsie rêgop hou.  Lorenzo keer net betyds, en lê Toorts op die gras neer. “Waddehel,” sê Hester toe sy my sien, “waar was jy al hierdie tyd? Toorts sien al heel dag gesigte, en sweer hoog en laag jy is saam met ons, en Christa het laat weet daar gaan vreemde dinge hier aan… maar ek het jou nie hier verwag nie.” “Het jy Corona al ontmoet,” vra ek en stel hulle aan mekaar voor. Virgo het ook nou bygekom en maak haarself op die gras tuis. “Hoe voel jou sinusse Hester?” vra ek want heel duidelik is sy in ‘n omgekrapte bui wat meer behels as die Towerin probleme. “Vergeet van my sinusse, wat soek jy by hierdie… hierdie…” “Heks,” maak Corona die sin klaar. “Ek wou meer kom uitvind rondom die spinnekoppe,” verduidelik ek. “Ons wil almal meer weet van die spinnekoppe,” sê Hester en gee Corona ‘n kyk wat boekdele spreek.

Corona vertel van Barnum se sirkus en dat sy partykeer die spinnekoppe in ‘n vertoning laat deelneem het. Dit was tot daardie dag toe sy een spinnekop so groot laat word het dat al die mense gillend uitgehardloop het. Mr Barnum het haar belet om dit weer te doen. “Hoe bedoel jy, jy het die spinnekop groot laat word?” vra Hester. Virgo is nou so gefassineerd dat sy sommer regop sit en nader skuif. Sy het skoon van distansie vergeet. Corona vertel dat sy nog klein was toe sy agtergekom het die spinnekoppe word groter of kleiner soos sy praat. As sy die dag op een se rug wou ry het sy hom so groot soos ‘n ponie laat word. Het hulle wegkruipertjie gespeel het sy hulle weer baie klein gemaak. Ons staar haar oopmond aan. “Hoe groot kan so ‘n spinnekop word?” vra Virgo. Corona kyk ons huiwerig aan, dan sê sy “Baie groot.” “Hoe groot?” vra Hester. “Hy sal ‘n huis kan platdruk,” sê Corona maar gaan dan vinnig voort. “My spinnekoppe is vredeliewend en sal nooit so iets doen, of iemand seermaak nie.”

Toe ons later daar wegstap is ons praat min. Na vele gepor het Corona erken dat haar spinnekoppe rebels begin raak het vandat Broodina hulle vir haar Rebus toe gebring het. Dis al asof hulle nie meer haar outoriteit wil aanvaar nie. Miskien is dit net die verandering van lug het sy verskoning probeer maak. Verandering van lug se voet; spinnekoppe wat groter as huise word is niemand se speelmaatjies nie, veral nie as hulle nog boonop rebels raak nie. Dan is Vuurvliegie en haar bende ook nog oppad na hulle toe…. met blikkies Doom. Verbeel jou Doom teen sulke gedrogte. Tien teen een sit die klomp Towerinne klaar vasgespin in kokonne teen die grot se mure.

Dankie Christa jy kan verder vertel 😊

55 gedagtes oor “Kameel – Die Towerinne en Caronamouna Hoofstuk 7

  1. Sjoe ek kannie dink dat Brodina so oop en bloot daar sit met haar pinkie in die lug asof sy die wenner is. Ons sal beslis Corona nodig hê om die spinnekoppe te oortuig van hul misdaad. Hulsal al daardie gespinde bolletjies met die stekel moet gaan opruim en insluk vir straf sodat hul kan vrêk. Wonder hoe naby aan die grot is die klomp Towerinne wat ondersoek in stel. Hul sal moet versigtig wees anders word hul ook deel van die kokon.

    Liked by 1 person

  2. Dankie Kameel!! Klink my meer as die spinnekoppe het ‘n goeie skoot Doom nodig. Anee a!! Dit sit glad nie lekker aan my lyf dat ons Rebusfontein wat ‘n veilige wegkruip plek moet wees vol hekse en spinnekoppe en nare goed moet wees nie! Waar gaan ons heen vlug as die lewe druk? Gelukkig is julle besig om dit mooi vir ons uit te sorteer

    Liked by 1 person

      1. Bloot omdat dit net nie so gelos kan word en ‘n klomp ongediertes ons maats op vlug laat slaan nie. En boonop toe spin!! Nee jinne, Una moet ons nog lank hou jong en Rebusfontein moet weer Rebusfontein word. Ek hou nie van Doom nie, maar of dit nou doom is of ‘n ander plan, weg moet daai gedroggies!!!

        Like

      1. 😂😂😂😂😂😂 Lekker lag ek nou vir jou Scrapy!!! Wegkom gaan sy nie wegkom nie!!! Ons stoot haar in waar sy nodig is 😀😀😀😉

        Like

      2. Lê jy nou maar eers daar op die grassies tot die Witblits uitwerk, dit het nou al jou spraak aangetas asook jou maak skree soos ‘n 2 jarige wat ‘n temper tantrum gooi. Nee a, ons het genoeg om mee te deal

        Liked by 3 people

  3. Ag Kameel, jy maak my dag!!! Lekker nuwe verwikkelinge. Shame, dat mens se naam nou Corona moet wees. Maar net een ding julle, julle met die sagte harte gaan haar NIE OP REBUS LAAT BLY NIE!

    Liked by 1 person

      1. Hier is so ń vriendelike enetjie wat na my kyk. Ek sukkel net met die miere wat so aangedra word, glo veronderstel om versnapperingkies te wees. Iets soos caviaar.

        Liked by 1 person

Gesels met my ...

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s