Kameel – Weggeekind

Êrens in verlede jaar stuur my oudste seun (my Griekse seun wat ek op vyfjarige ouderdom “verloor” het) vir my dié woorde. Miskien is dit die woorde van ‘n lied… ek weet nie. Dit was ‘n kolskoot. My hart wat absoluut “fragile” is wanneer dit by my twee oudste seuns kom, het in stukkies gebreek. Hy het dit uit diep omgee vir my gestuur, maar dit het die roof van ‘n wond – wat te diep is vir totale genesing – afgetrek, en die bloed het in trane oor my wange gestroom. Eendag sal al hierdie pyn verby wees, en die trane sal van ons oë afgevee word;  tot dan kyk ek na Hom wat hierdie belofte vir my gegee het.

“When you pass through the waters,
    I will be with you;
and when you pass through the rivers,
    they will not sweep over you.
When you walk through the fire,
    you will not be burned;
    the flames will not set you ablaze.

Weggeekind

Middernag, dis amper middernag
Môre is my verjaarsdag
Weggeekind, ek was jou weggeekind
Ek het jou nooit leer ken nie
En ek wonder of jy wonder waar ek my vanaand bevind
Toe ons twee uitmekaar is was jy nog pure kind
En ek wonder het jy iemand om te koester aan jou sy
Ek wonder ja ek wonder is jy, is jy ok
Ma se kind word ma en pa se kind
My lewe gevul met liefde
Bittergal tot in die potterveld
My lewe is net genade
En ek wonder of jy wonder waar ek my vanaand bevind
Toe ons twee uitmekaar is was jy nog pure kind
En ek wonder het jy iemand om te koester aan jou sy
Ek wonder ja ek wonder is jy, is jy ok
Ek dra geen wrok of wrewel nie
Ek bid jou lot is soet
Moeder van my asem
Moeder van my bloed
En ek wonder of jy wonder waar ek my vanaand bevind
Toe ons twee uitmekaar is was jy nog pure kind
Ja ek wonder het jy iemand om te koester aan jou sy
Ek wonder ja ek wonder is jy, is jy ok
Ek wonder wat lê onder in jou diepste hart verskuil
Daar slaan die kerk se klok nou en ek wonder of jy huil.

Mooi loop!!