Woordsnoere 3
Dankie Vuurvliegie vir die uitdaging.
Die krieketstadion is gepak met derduisende mense wat die taai eindstryd tussen die Coulisse en die Chimeras kom kyk het. Wie vandag streepsuiker gaan kry is ‘n ope vraag, want dis manne met besonderse gawes wat gaan speel. Daar is niks eentonig in die kleurryke skare met hulle geverfde gesigte, wapperende vlae en batman maskers wat die eens bekende Christian Bale as Batman versinnebeeld nie. Die lug is elektries gelaai met afwagting. Hier en daar klink ‘n roemer se stem op wat die aas probeer uitgooi vir ‘n teenstaander, maar skertsende antwoorde maak hulle vinnig stil. ‘n Gejuig gaan op toe platjan Jackie Chan en sy mede kolwer die veld betree. Dat hy groot aansien by die skare het is duidelik. JACKIE…. JACKIE…. JACKIE… weergalm dit deur die lug terwyl hy die roete na die kolfblad toe stap. Tipies sy styl doen hy eers ‘n paar bollemakiesies voordat hy kolf in die hand sy plek voor die paaltjies inneem. Met elke veldwerker op sy plek kan die spel begin. Net die noeste Jamie Oliver die bouler troetel nog die bal. Soos ‘n stuk deeg gooi hy hom dan in die hand, dan in daardie. Heel duidelik beplan hy iets wat Jackie nie gaan spaar nie. Oor die luiddpreker begin ‘n Causeur se stem die tyd aftel en die skare tel saam. 10, 9, 8, 7, 6, 5, 4, 3, 2, 1!!!! Jamie gee die bal ‘n laaste veeg, trippel ‘n paar keer versigtig op een plek rond en spoed dan met ‘n vaart weg. Die oomblik toe hy die bal gooi val Jackie se kolf uit sy hand uit. Chimera ondersteuners gryp hulle koppe vas en jeremieer kliphard. Jackie nie links nie gee ‘n harde kreet en met een karateskop stuur hy die bal die lug in. Monde gaap verstom en oë staar verstrak na die bal wat vinnig besig is om die hemelruim in te verdwyn. Swaardekrag doen egter sy werk en dis die ram Christian Bale wat sonder vrees wegspring en voordat die skare besef wat aangaan bo-op die pawiljoen se dak met ‘n duik deur die lug die bal met een hand vang. Die skare gaan beserk; met dansende lywe op maat van oorverdowende musiek besing hulle sy lof. Hy lyk nietig waar hy daar staan met die bal omhoog gehou in sy hand, maar in die skare se oë is hy ‘n REUS. Sowat van ‘n vertoning het hulle nog nooit gesien nie!!! Vanaand gaan daar shandy vloei, dis verseker.
Mooi loop.
Wil jy saam woordsnoer? So maak mens :
Jy kan ‘n enkele woord as inspirasie vonk gebruik of al die woorde – nes jy lus het.
Skryf dan jou blog. Maak seker om die woord (e) in vetdruk (bold) aan te dui in jou skrywe.
Onthou om die prentjie hierbo en ook die skakel hieronder in jou bydrae in te sluit. En moenie vergeet om jou bydrae op Inlinkz te gaan aanhaak nie!
https://fresh.inlinkz.com/p/0ad6b9588b9649c38b03c4859734bed9
Sjoe, Kameel, my asem is skoon weg! Fantasties geskryf!
LikeLiked by 1 person
Dankie Perdebytjie bly jy het die vertoning geniet. Ek moes werklik hard dink….en toe so met die IPL kykery dog ek laat die drie maar krieket speel 😂😂😂
LikeLiked by 1 person
Skote petoors!!! Sien al daai bal deur die lug trek!! Welgedaan…
LikeLiked by 1 person
Jip kyk hoe trek daai bal….dis al wat ek die laaste twee weke sien met my ge IPL kykery. Net so ‘n bietjie meer aksie bygesit 😂😂😂
LikeLike
😂😂
LikeLiked by 1 person
Jy moenie nog lag nie…ek is aan die IPL verslaaf en dit doen nie my hart goed nie. Ek kan mos nie net kyk en geniet nie….nee ek spring boots en al in en laat myself op stres.
LikeLike
Toe ons nog TV gekyk het was dit ook my gunsteling ding om te kyk…en en my man het tot weddenskappe teen mekaar gehad…dis al wat ek mis van die geen TV
LikeLiked by 1 person
Ons het ook nie tv as sulks nie. Ons seun by die Suidkus het ons op ‘n manier gelink dat ons streaming kan doen. Gelukkig het skoonseun hulle onbeperkte Wi-Fi. Ons kyk net die IPL eenkeer ‘n jaar en dan die Tour de France. Elke vierde jaar World cup sokker.
LikeLike
Ek moet dalk ook belê in uncapped….dan kan ek ook weer kyk…maar ai…is soms so dom om te begin soek…eerder lui
LikeLiked by 1 person
Gelukkig doen skoonseun alles. Haai, steek daardie pa van die huis aan die werk. Baie lekker om uncapped te hê….kyk sommer op my foon ‘n fliek op Utube sou ek lus kry.
LikeLike
Moes geraai het jou IPL kyk sal inslag kry. Bwahaha…..ek lag lekker vir die spanname. Dankie Kameel, dat jy kom woordsnoer het.🤗
LikeLiked by 1 person
Gits niks anders as krieket wou in my kop vorm aanneem nie. Kannie sê die twee spanne het nie besonderse name nie…danksy jou 😊
LikeLike
🏏
LikeLiked by 1 person
Kameel op haar beste!
LikeLiked by 1 person
Dankie Frannie 😊
LikeLiked by 1 person
En hier val jy nou sowaar uit met ñ opwindende wedstryd! Well done, Kameel, is al wat ek kan uitkry.
LikeLiked by 1 person
Dankie Una. En om te dink jy het nie eers betaal om die wedstryd te sien nie. 😂😂😂
LikeLike
Mmmm. En dan verstaan ek ook niks van krieket af nie, onthou.
LikeLiked by 1 person
Een ding mag jy weet die bal hierbo beskryf sal nie tel nie 😂😂😂😂 Unatjie ek kyk net die IPL eenkeer ‘n jaar vir vyf weke en dit maak my senuwees gedaan. Dit is opwindende, vol lewe en musiek krieket. Ek verstaan ook nog nie alles nie, maar dis ‘n besutiful game.
LikeLike
Ek verstaan ook niks van krieket maar wraggies ek kon die spel sien afspeel. Genugtig jy het dit puik geskryf
LikeLiked by 1 person
Dankie Bondels….bly jy het die spel geniet 😊
LikeLike
Joe! Selfs ek wat niks van krieket verstaan nie, kon hierdie uitstekende beskrywing voor my geestesoog sien gebeur en elke sekonde daarvan geniet.
LikeLiked by 1 person
Ek is bly jy het dit geniet Toorts. Nou kan jy krieket saam met die manne praat 😂😂😂
LikeLiked by 1 person
Jajaaaa ek moet net die terme onthou!
LikeLiked by 1 person
Welgedaan Kameel. Daardie karateskopbal het my nou hardop laat lag. Jy sal veroorsaak dat krieketreëls aangepas word om Batman se speelstyl te akkommodeer. Dalk kan hy die Proteas ‘n bietjie kom aanhelp.
LikeLiked by 1 person
Dink net hoe interessant sal krieket dan wees 😊
LikeLiked by 1 person
Ja. Nee. Ek weet nie. Ek het opgehou krieket kyk toe ek besef het hoe maklik die wedstryde gekook kan word. Ek het nie tyd vir skelmsport nie. Ja, noem my maar ‘n suurgat, dis oukei.
LikeLiked by 1 person
Eienaardig genoeg net vandag aan Hansie Cronjé en gedink. Ag wat ek kyk gelukkig net IPL en hoop maar die beste span wen. Moenie dink ek vat dit so kalm nie…o weë dit werk my senuwees so op dat ek al gedink het dis baie sleg vir my hart.
LikeLiked by 1 person
Amper het ek jou storie gemis! Ek dog nog ou Jackie gaan die bal karate skop dat hy in duisend stukkies breek, maar nee, daar vang ou Batman hom toe. Arme Jamie wat nie in dieselfde span is nie voel seker baie sleg. Dit was nou n lekker krieketbeurt gewees.
LikeLiked by 1 person
Krieket op sy beste 😁😁😁
LikeLike
Ha ha, beslis.
LikeLiked by 1 person