Kameel – Valentynsdag

le-jou-eier1-e1512926357627Ek het nie ‘n storie van ‘n held op ‘n wit perd met ‘n rooi roos in sy hand vir sy beminde nie. Net ‘n eenvoudige kort storietjie van my eerste “kêrel” Dit was nie ‘n Valentynsdag nie…maar dan, die liefde wag nie vir 14 Februarie nie

In standerd vyf het die briefieskrywery begin. Seuns het briefies in die klas vir meisies waarvan hulle hou geskryf, en aangegee.  Nodeloos om te sê ek het nooit so ‘n briefie ontvang nie – ek was net die posbode. Het dit my gepla? Nie rêgtig nie, ek het mos lank nog in feëtjies geglo en seuns was ‘n oorlas.

Kom standerd 6 is ek na ‘n streng meisieskool toe. Die seunskool was oorkant die pad maar daar was gepatrolleer dat seuns en meisies vanaf die busstop tot by die skool apart loop. Sportgeleenthede was die enigste plek waar seuns en meisies toegelaat was om te meng.

Interhoër is in Krugersdorp gehou. Dit was dan ook op die trein interhoër toe dat ‘n paar standerd 6 seuns met my en my vriendinne begin gekskeer het. Dit was heel lekker om so saam te lag, en groot was my verbasing toe ek terug by Johannesburgstasie deur een van die seuns genader word. Sy maat hou van my en vra my telefoonnommer. Sjoe, ek kon my ore skaars glo, en het die nommer met fladderende hart gegee. ‘n Dag of wat later kom roep my ma my – daar is ‘n oproep vir my. Wat ek en die seun gepraat het onthou ek nie meer nie – net my ma se kommentaar daarna. “Jy is gans te jonk dat seuns jou noual bel, moenie dat dit weer gebeur nie.” Net daar het die “liefde” sy doodsvonnis ontvang.

Soos dit vir my lyk blom romanse net op ‘n trein vir my. Net môre koop ek ‘n treinkaartjie!!! https://toortsie.com/2016/01/25/net-een-soen/

Tussen treine, tussen stasies
Lê daar basies net die leë spore
Tussen treine, tussen stasies
Lê die leë spasies van die onskuld nou verlore

http://www.inlinkz.com/new/view.php?id=816460

17 gedagtes oor “Kameel – Valentynsdag

    1. My twee kleinseuns op die erf is in Affies (spelling) aparte seuns en meisieskole. Die reëls daar is ook baie streng. Ek lief hulle klomp Affie maats met hulle goeie maniere.
      Die foto van my kleindogter in haar swart rok op Fb is weer iets anders. Sy was oppad na ‘n Valentynsdans by hulle gemengde skool. Die kommentaar daarna was kostelik. Die meisies het met mekaar gedans terwyl die seuns teen die mure gestaan en kyk het. Ja, mens wil hulle in glaskaste toesluit…maar kannie. Kan maar net hoop hulle maak goeie besluite in die lewe.

      Like

  1. Hannie Hoekom het my na hierdie blog gestuur.
    Ou Kameel, ek was maar dom met die liefde, is steeds, daarom het ek nie eers’n Vakentynstorie om te skryf nie.
    Net my een ou liefde in my lewe, my hele lewe lank. 😊❤️
    Nou ja, koop daai treinkaartjie Kaap toe, ek sal jou kom kry daar, wou jou hoeka al in Knysna kom ontvoer het. ❤️

    Liked by 1 person

  2. Jy laat my glimlag. Ek moet saamstem, daai nou treingangetjies en die oor en weer gekuier in kompartemente het menige romanse laat vlamvat. Kameel, jy vind darem die liefde nie nét op treine nie, maar op rolbalbane ook – by your own admission.

    Liked by 1 person

Gesels met my ...

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s